Domeka honetan egingo da Euskal Herriko Bikote Gazteen Dantza Solte Txapelketa, Bergarako Seminarixoan. 12:00etan hasiko da txapelketa, eta 16 urte azpiko hamar bikotek Bergarako txistulariek jotako fandangoa eta Oskar eta Eneritz anai-arreba trikitilariek jotako arin-arina dantzatuko dituzte. Gipuzkoako Euskal Dantzari Biltzarrak izendatutako Ane Anzak, Antxon Mendizabalek eta Gabriel Alonsok osatuko dute epaimahaia, eta, hain zuzen ere, epaimahaiko kideek hautatuko dituzte txapelketaren ondoren banatuko diren lau sarien irabazleak: lehen hiru postuetan sailkatutako bikoteentzako saria, batetik, eta jantzi egokiena daraman bikotearentzako saria, bestetik.
Txapelketa borobiltzeko
Txapelketan ez da dantzari bergararrik izango, baina, hala ere, hamar bikoteek euren jarduna egin ondoren, dantza eta musika eskolako gaztetxoek ere egingo dute dantza; horrela amaituko da txapelketa.