Honela laburtu dute antolatzaileek hilaren 24ko saioa: "Hitzaldian Juanjo Alvarez demokrazian arazoak agertu zituen botere legegilea, betearazlea eta judiziala nahasten direnan. Zoritxarrez justizia nola politizatu eta politika nola judizializatzen ari den azaldu zuen, adibide zehatzak emanda. Bestalde, Alvarezen ustetan demokrazia bermatzeko botereen banaketa ahalik eta gardenena guztiz ezinbestekoa: haratago ere joan zen, esanez, zerbitzari publikoek kode etiko zorrotzagoa izan beharko zutela, eta ez bakarrik legea bete".
Hitzaldian 150 bat lagun elkartu ziren eta ondoren ikusleetako batzuek Pertxa elkartean afaldu zuten Alvarezekin berarekin. Amaitzeko, antolatzaileek eskerrak adierazi diote Udalari Seminarixoa aretoa utzi eta hitzaldian zehar zeinu hizkuntza bidezko itzultzaile zerbitzua emateagatik.