Zapatuan 17:30ean egingo dute Lokatza txirrindularitza elkarteak Bergarako Udalaren eta Bolintxo okindegiaren laguntzarekin antolatutako Bizikleta Festa, ikastolako patioan.
Ekimenak pedalezko bizikletekin edo pedalik gabeko bizikletekin eta jostailuzko motorrekin parte hartzera gonbidatzen ditu umeak, gaztetxoen artean txirrindularitzarako zaletasuna sortzeko helburuarekin.
Hortaz, baldintza bakarra izango dute parte hartzaileek: bizikletako kaskoa eramatea.Izen ematea 16:30ean izango da, ikastolako patioan, eta, ekimena amaitu ondoren, sariak eta merienda emango dizkiete parte hartzaile guztiei.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.