Wet Cactus Kantabriako taldearen eta Rodeo Zestoako taldearen kontzertuekin bueltatuko da gaur gauean Egubakoitzak Berreskuratzen kultur ekimena. Stoner rock estiloko taldeek 22:30etan hasiko dute kontzertua, kartzela zaharrean, eta sarrerak 8 eurotan egongo dira salgai. Ez da lehen aldia Wet Cactus eta Rodeo taldeek elkar topo egiten dutela oholtza gainean; izan ere, irailaren 5ean, kontzertu emanaldi bateratua egin zuten Donostiako Dabadaban.
Bigarren saioa, lotuta
Aurrera begira, Egubakoitzak Berreskuratzen ekimenaren bigarren emanaldia azaroaren 21ean izango da, Eraso! taldeak egingo duen azken kontzertuarekin.