Angiozar Bailarako Batzarrak "oso pozik" jaso du albistea: "Lau haizetara zabaldu nahi dugu oso pozik eta alai gaudela. Urte luzez hainbat borroka galdu ostean, hau da lehena irabazten duguna".
Hemendik aurrerako prozesuaren inguruan galdetuta, honako hau adierazi dute Angiozar Bailarako Batzarretik: "Hemendik aurrerako prozesuan zuhurtziaz aritu nahi dugu. Prozesu luzeak eta astunak dira. Gure zentzuak eskatzen digu, foru arauan jasotzen den bezala, Bergararekin adosten dugun estatus berrian, alde biendako izan behar duela onuragarri. Oinak lurrean ditugu, ez dugu handikeriak eta neurriz kanpoko eskakizunik. Soilik, gure etorkizunari itxaropenez heltzea nahi diogu. Gure bailarako etorkizuna bermatuko duten oinarrizko politikak garatu nahi ditugu eta horretarako oinarrizko baliabide batzuk baino ez ditugu, askok, eraginkortasunaren bidetik, Bergarako Udalak berak kudeatuko dizkigu. Horretarako, arazorik ez dugu. Baina, lehenbizikoz, burujabe sentituko gara orain arteko ekimenen buruan joateko eta ez beti atzetik. Zer etorriko den oraindik ez dakigu, baina etorriko den edozer dela ere ona izango da Angiozarrentzat eta Bergararentzat".
