Madrilera joango dira asteburuan Bergarako musika eta dantza eskolako abesbatzako kideak, "esperientzia kultural eta musikalez betetako jarduera batean parte hartzeko". Batetik, Wicked musikalaz gozatzeko aukera izango dute zapatuan, "ikasleentzat inspirazio eta motibazio iturri" izango dela iritzita; eta bestetik, kontzertua izango dute domekan, San Ignacio elizan. "Hiriko gune kultural garrantzitsuenetako bat da, eta bidaia honetarako bereziki prestatutako errepertorioa aurkeztuko dugu emanaldi berezi horretan". Hala, bidaia hau ikasleen "ikaskuntza eta hazkunde artistikorako aukera paregabea" izatea da helburua: "Eskertzekoa da, gainera, ikasleek egin duten lana".
Lau musikarik ere bidaiatuko dute abesbatzako kideekin batera. "Bi irakaslek eta bi ikaslek musika tresnak joko dituzte, abesbatzaren interpretazioa aberastuz eta kontzertuari zuzeneko musika giroa emanez".