Liga hasiera geroz eta gertuago du Mondragon Lingua Bergara eskubaloi taldeak, eta, denboraldi berrirako prestatze aldera, urteroko hitzordua izango dute mahoneroek asteburuan; izan ere, Bergara Hiria txapelketa jokatuko du gaur senior mailako nesken taldeak , 19:00etan hasita, Labegaraietako kiroldegian. Ordiziako eta Tolosako taldeak izango dira etxekoen aurkariak; hain zuzen, bergararrek baino maila bat gorago jokatzen duten bi talde. Honako ordutegi hauetan jokatuko dira partiduak: Ordizia-Tolosa, 19:00etan; Ordizia-Mondragon Lingua Bergara, 19:45ean; eta Mondragon Lingua Bergara-Tolosa, 20:30ean.
Iazko denboraldian mailaz jaitsi eta gero, taldeak konfiantza hartu eta emaitza onak lortu ditzan lanean dihardute dagoeneko Bergarako senior mailako nesken taldeko jokalariek zein entrenatzaileek. Aurten, gainera, iaz gazte mailako txapelketan jokatzen zuten hainbat jokalarik osatuko dute taldea.