Euskararen normalizazioak eta biziberritzeak eskatzen duen hizkuntza politika berriaren inguruko gogoeta egingo dute Bilbon eta Bergaran. Bilboko Bizkakia aretoan, hilaren 9an, 10:00etatik 13:00era bitartean, Administrazio bat, bi hizkuntza. Berdintasuna eta aukera jardunaldia egingo dute. 10:00etatik 11:30era Funtzio publikoaren erregulazioa Katalunian hitzaldia emango du Eva Pons-ek; Iñigo Urrutiak, berriz, Euskal Autonomi Erkidean hizkuntza plangintzarako eredu berri baterako trantsizioari buruzko txostena aurkeztuko du. 12:00etatik 13:00etara, aldiz, Josu Aztiriak 11/2022 Legea, abenduaren 1ekoa Euskal Enplegu Publikoarena aldatzeko Lege Proposamenaren aurkezpena egingo du.
Bergarako hitzorduan, Euskararentzako Hizkuntza Politika berri baten beharraz arituko dira 09:00etatik 15:00etara, eta honako hitzaldi hauek egingo dituzte: Euskararen bilakaera, egungo egoera eta etorkizuneko joerak –Iñaki Iurrebaso eta Olatz Altuna– 09:00etatik 10:30era; Hizkuntza politika berri baten oinarriak eta jauzi estrategikoak –Jon Sarasua, Idurre Eskisabel eta Josu Aztiria. Moderatzailea: Malen Dominguez–, 11:00etatik 12:45era; eta Euskararentzako estatus juridiko berri baten premiaz eta horretarako aukerez –Iñigo Urrutia eta Miren Zabaleta– 13:30etik 15:00etara.
Jardunaldietan izena eman behar da www.telesforomonzonlab.eus atarian.