Donostiako Musika Hamabostaldiak geldialdi egingo du Bergaran, domekan. Aitor Oleak Stoltz-Freres organoarekin musikatuko du emanaldia, eta bidelagun izango ditu Bergarako parrokia-abesbatzako kideak, Rosa Narbaizak gidatuta. Emanaldiaren lehen hiru piezak elkarrekin interpretatuko dituzte. Beste seietan, organo doinuak izango dira protagonista.
Guztira, bederatzi pieza eskainiko dituzte. Guztiak, euskal musikarienak: Juan Bautista Elustiza, Eustaquio Azkarate-Askasua, Miguel Gonzalez, Victoriano Balerdi, Jose Maria Usandizaga, Ignacio Mokoroa, Luis Urteaga, Francisco Madina eta Jesus Guridi, hain justu ere.