Asteburu luzea izaten ari dira Bolua auzoan, Santa Ana jaietako egitarau zabalarekin. Gaur, zapatua, marrazki lehiaketarekin hasi dute eguna eta patata-tortilla lehiaketa ere egin dute. Sariak banatu ostean, antzar-jolasaren txanda izan da haurrentzat.
Marrazki lehiaketari dagokionez, honako hauek izan dira saridunak. 12-14 urte artekoetan, Elene Contreras; 8-11 urte artekoetan, Uxue Gonzalez; eta 4-7 urte artekoetan, Elene Igartua. Azken honen lana, gainera, datorren urteko kartela egiteko baliatuko dute.
Patata-tortilla lehiaketa, aldiz, Javi eta Aner Arrondok irabazi dute. Ostean, bazkari herrikoia egingo dute eta arratsaldeko hitzordu nagusia mozorro-desfilea izango da. Aurtengo gaia Hawaii da eta dagoeneko hasi dira inguruak atontzen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.