Aldaiegia auzoan San Kristobal jaiez gozatzen jarraitzen dute. Gaurkoan ere, santuaren eguna izanda, izan dituzte jarduerak. Meza santuarekin hasi behar zuten eguna, baina apaiz faltan mezarik gabe hasi dituzte ospakizunak. Ermitaren pean jendea batzen joan da goizak aurrera egin ahala, Aliritzi taldearen doinuek lagunduta, luntxa izan dute.
Bertako plazatxoan azken 15 urteetako jaietako kartelen erakusketa ere ikusgai izan dute, urtero auzotar baten karikaturan oinarritutako irudia izaten du kartelak, eta hurrengo urtean nori tokatuko zaion ere egingo dute aukeraketa. Eguerdiari bizitasuna emateko, toka jokoaren txapelketa jokatu dute, eta auzotar askok hartu dute parte. Berdinketa paren baten ondotik, Dibi Garitaonandia izan da garaile.