Proiektua Bergarako Gaztelekuak eta Ndank Ndank elkarteak antolatzen dute, eta Bergarako Udalak babesa emango dio. Antolatzaileen arabera, ekimen hau ez da ohiko bidaia bat izango. Helburua, ikasketa prozesu oso baten parte izatea da. Izan ere, bidaia aurretik eta ondoren, parte hartzaileekin lanketa hezitzailea egingo da, kulturartekotasuna, migrazioak eta elkarrengandik ikastea bezalako gaiak jorratuz. Horrela, Bergaran hasitako bideari –eskolan landutako kulturartekotasun saioak, Miñan liburuaren irakurketa edota antzezlanen bidez egindako hausnarketak– jarraipena eman nahi zaio.
Bergarako Gaztelekua eta Ndank Ndank elkartea elkarlanean ari dira kulturartekotasuna ardatz duen "esperientzia berezi bat" antolatzen: 2009an jaiotako herriko gazte batzuek Senegalera bidaia egiteko aukera izango dute urtebete barru, 2026ko uztaila hasieran. Gazteei eta familiei begirako informazio bilera bat antolatu dute uztailaren 2rako, Irizar jauregiko Euskaldunberri aretoan (11:30).
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak