Bergarako Udaleko Kultura sailak hiru kontzertu antolatu ditu aurtengo udan Usondo parkerako: ekainaren 27an Erromintxelak taldeak joko du; uztailaren 12an, Arineketan taldeak; eta, uztailaren 19an, Aria taldeak. Sanprubusa egongo da kontzertuetan, jatekoa eta edatekoa eskaintzeko. Kontzertu guztiak 22:00etan hasiko dira, doan.
Honako hiru talde hauek joko dute aurten Usondon:
Ekainak 27 – Erromintxelak: Euskal Herriko musika tradizionala eta herri doinuak, gitarra eta ahotsarekin uztarturik, giro goxoa sortzeko.
Uztailak 12 – Arineketan: Indie eta pop-rock doinuekin, euskarazko musika garaikidearen ordezkaria ziklo honetan.
Uztailak 19 – Aria: Ahots liluragarri eta kutsu intimista duen proposamena, Urdin izeneko disko berria aurkezten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.