Hain zuzen ere, zapatu honetan, bost minutuko xake partidak jokatuko dituzte, suitzar erara, Bergarako kartzela zaharrean, eta, jokoak 16:30ean hasiko dituzten arren, 16:00etan egin beharko da izen-ematea. "Txapelketa izanik ere, giro ona eta lagunartea ez dira faltako, eta Bergarako Xake Elkartetik dei egiten diegu xakea gustuko duten pertsona guztiei Bergarako kartzela zaharrera etor daitezen", adierazi dute Bergarako Xake Elkarteko kideek. Antolatzaileek gaineratu dutenez, xakearen eta Bergarako kartzela zaharraren arteko erlazioa aspalditik dator, eta xakezaleen topaleku bilakatu den txapelketa horren isla da. "Bertan, 64 laukitxoen jokoa gustuko duten Bergarako zein inguruko herrietako pertsonak batuko dira, izan federatu gisa jokatzen duten pertsonak zein lagunartean edota sarean lehiatzen direnak".
Bergarako kartzela zaharrak 25 urte betetzen ditu, eta, urteurren borobila ospatzeko, 25 urtez kartzela zaharra askatasun gune bilakatzen ekimenaren baitan ekintza sorta zabala izan da. Bazkariak izan dira, eta izango dira, kontzertuak eta hitzaldiak ere ez dira faltako, eta azkenaldian ohitura bilakatu den partida azkarren xake txapelketa ere antolatu dute, domekarako.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak