Ipintza eta Agorrosin futbol jokalariz bete dira goizean, han jokatu baitituzte Selekzioen Arteko Txapelketako partidak kadete mailako neska-mutilek. Emakumezkoen kasuan, partida bakarra jokatu dute eta Bizkaia gailendu da Gipuzkoaren kontrako norgehiagokan, 1 eta 4.
Hala, gizonezkoetan, Gipuzkoako, Bizkaiko, Arabako eta Pirinioetako selekzioak lehiatu dira, eta ligaxka jokatu ostean, Araba izan da garailea, Bizkaia bigarrena, Gipuzkoa hirugarrena, eta Pirinioak, laugarrena.
Honakoak dira, gizonezkoen partiduetako emaitzak:
- Gipuzkoa 3-3 Bizkaia (penaltietan, Bizkaia garaile).
- Araba 1-0 Pirinioak.
- Gipuzkoa 0-1 Araba.
- Pirinioak 2-3 Bizkaia.
- Gipuzkoa 2-0 Pirinioak.
- Araba 1-1 Bizkaia (penaltietan, Araba garaile).