Gaur goizean Eusko Legebiltzarreko Kultura, Euskara eta Kirol Batzordearen bisita izan dute Bergarako Laboratorium Museoan. 10. urteurrena ari da ospatzen Laboratorium eta urte horietako ibilbidea ezagutzeaz gain, egin diren proiektuak eta jarduerak ere izan dituzte hizpide; baita, egungo erronka nagusiak eta helburu estrategikoak ere.
Laboratoriumetik adierazi dutenez, museoaren ildo estrategikoak aurkeztu dituzte, eta etorkizunerako proiektuetaz ere jardun dute: "Bisita aukera paregabea izan da elkar ezagutza sustatzeko, lankidetza berriak irudikatzeko eta museoaren misioa eta ikuspegia partekatzeko. Eskertuta gaude erakutsitako interesagatik eta ezagutzera emateko eskainitako aukeragatik".