Gol gutxiko partidua aurreikusten zuten bergararrek; izan ere, atsedenaldira irabazten iritsi arren, 9-8 islatzen zuen markagailuak. Bigarren zatiaren hasierak ia erabakita utzi zuen neurketa. Sei eta bateko partziala lortu zuten bergararrek, eta horrela, markagailuko tartea dezente handitu zuten. Zarauztarrak saiatu ziren partiduko erritmoa aldatzen, baina gerturatzea lortu zuten arren, ez zen markagailua iraultzeko nahikoa izan. Hala, Bergarak lortu zuen Itzurun kopa, finala 28 eta 22 irabazita.
Seniorrak azpitxapeldun
Usurbil izan zuen aurrean senior mailako taldeak, eta momentu oro aurkariak agindu zuen partiduan. 14 eta 9-ko emaitzarekin iritsi ziren bi taldeak atsedenaldira, baina kantxara itzultzean, bergararrak ez ziren markagailuari buelta emateko gai izan. Hala, 31 eta 22 galdu zuten finala bergararrek.