Burdinolako alebinak laugarren, Espainiako txapelketan

Espainiako zazpi talde gogorrenen aurka lehiatu dira Burdinola taldeko alebinak, asteburuan Gijonen jokatu den Espainiako txapelketan. Lehen partiduan 6-7 galdu zuten bergararrek CE Gadex taldearen aurka, baina hurrengo biak irabazita (CHC Las Rozas taldearen aurka 4-6 eta CPL Madrid taldearen aurka 0-3), finalerdietarako txartela lortu zuen Burdinolak. Erizos Rudos taldea izan zuten aurkaki finalaren atarian, baina arauzko denbora hiruna amaituta, luzapenean galdu egin zuten partidua. Hirugarren eta laugarren postuko partidua CPL Madrid taldearen aurka jokatu zuten, eta 5-3 galdu ostean, laugarren postua eskuratuta itzuli ziren etxera bergararrak. Burdinolako entrenatzaile Agustin Oyangurenen arabera, "txapelketa oso ona" egin zuten alebinek, eta, oro har, Espainiako ligan jokatutako denboraldia "bikaina" izan dela adierazi du Oyangurenek.