Azoka solidarioa egin dute Bergaran, "beste errealitate batzuetara" hurbiltzeko

Jokin Bereziartua Lizarazu 2025eko maiatzaren 24a

Azoka solidarioa, gaur, Mariaren Lagundian. Argazkia: Mariaren Lagundia.

Bergarako Mariaren Lagundia ikastetxeak azoka solidarioa antolatu du aurten ere, gobernuz kanpoko erakunde batzuekin elkarlanean. "Guretzat ez da jarduera isolatu bat, baizik eta gure hezkuntza-komunitatearen konpromisoaren adierazgarri garbia: heziketa akademikoaz gain balioetan hezteko apustua egiten dugu, hala nola, elkartasuna, enpatia eta gizarte justizia", adierazi dute antolatzaileek.

Azokako salmentez harago, ekimenak "munduko beste errealitate batzuetara hurbiltzeko" balio duela diote Mariaren Lagundikoek. "Aukera paregabea ematen digu ikasle eta familiekin hausnartzeko, ikasteko eta ekiteko", gaineratu dute.

Ndank Ndank elkartekoen postua, gaurko azokan. Argazkia: Mariaren Lagundia.

Honako gobernuz kanpoko erakunde hauek hartu dute gaurko azoka solidarioan: FISC, Ndank Ndank, Nazioarteko Elkartasuna, Semilla para el Cambio, AGI, Mundu Bakean, Mugarik Gabeko Arkitektura (ASFE) eta Mundu Solidarioa.

Ikastetxe barruan antolatu dute azoka, Mariaren Lagundiko ikasturteko azken jaia ere gaur ospatu dutela baliatuta.

Gizartea Bergara

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.

Harpidetza aukera guztiak