Bergarako Udalak kiroldegietako erabilera erraztu nahi die herritarrei txartel fisikoa txartel digital bihurtzeko aukera emanez. Eusko Jaurlaritzaren NIK Patrika Digitala aplikazioaren bitartez abonatuek txartela telefonoan deskargatu ahal izango dute eta sarrera errazteaz gain, instalazioen erreserbak, abonu altak eta bestelakoak aplikazioaren bitartez egiteko erraztasunak izango dituzte.
Agorrosingo abonatuentzako jakinarazpen moduan, BakQ identifikazio elektronikoa beharrezkoa izango dute NIK Patrika Digitala aplikaziotik Bergara Kirola aplikaziora sartu eta kudeaketak egiteko.
NIK Patrika Digitala aplikazioak beste udal-kiroldegi batzuetako txartelez gain, Osakidetzaren OTI osasun-txartela, Euskadiko Liburutegi Publikoen sareko txartelak, Familia Ugariko Txartela eta GazteTxartela ere gordetzen ditu.
Aplikazioa Google Play-n edo App Store-n dago erabiltzaileentzako eskuragarri.