Bi kultura ekitaldirekin dator Olaso Dorrea Fundazioa hurrengo asteei begira.
Alde batetik, Joseba Egibar mendizale eta argazkilari bergararraren Euskal Herria: mendiak eta lurrak argazki-dokumentala proiektatuko da hilabete honen bukaera aldera, maiatzaren 29an, arratsaldeko 19:00etan Olaso Dorrean bertan. Ikus-entzunezko honetan "bertako jendea, tradizioak eta gure herriko parajerik ederrenak" ikusteko aukera izango dute hurbilduko direnek.
Bestetik, datorren hilaren 3an Kote Camachok Txillardegi eta Monzon Bergaran komikia aurkeztuko du dorrean arratsaldeko 19:00etan. Marrazkilari, zinemagile eta animatzaile oiartzuarrak ibilbide oparoa du ikus-entzunezkoen munduan, datu aipagarri moduan 2010ean La gran carrera filmarekin lortu zuen Europako Zinema Akademiaren izendapena.