Marije Ugalde bergararrak ondu eta zuzendutako Kriskitin, ametsaren bila ipuin musikala estreinatu dute Bergarako Seminarixoan. 53 haur aritu dira oholtza gainean, eta, horiekin batera, bost musikariz osatutako orkestra: pianoa, flauta, biolina, txeloa eta perkusioa. Valen Moñux eta Unai Barruatibengoa arduratu dira, berriz, irudiez eta soinuaz, Seminarixoko langileekin batera. "Bete egin da aretoa, eta txalo zaparradarekin eskertu digute egindako lana", adierazi dute sortzaileek.