Aitor Garitano tenor bergararrak kantu errezitala eman zuen egubakoitzean Bergarako Seminarixoan. Garitanok azaldu zuen emanaldia berezia zela berarentzat zein Ormazabalentzat: “Niretzat eta Germanentzat plazer handia da kontzertu hau Bergaran eskaintzea. Kontzertu bat batera eskaintzen dugun lehen aldia da, beraz ilusio are gehiagorekin gaude horregatik, eta nola ez, herrian kantatzea beti da pozgarria”.
Hainbat pieza klasiko kantatu zituen, tartean, Felix Mendelssohn konposatzaile erromantikoaren sei kantuko ziklo bateko hiru: Artzainaren kanta, Veneziako gondoleroaren kanta eta Ibiltariaren kanta. Bergararrek ez zuten hutsik egin eta txalo zaparrada batekin hartu zituzten musikariak.