Senior mailako nesken taldeak ezin izan zuen multzoko lehen postua lortu joan den asteburuan. Ahalegin handia egin eta harmailetatik bultzada izan arren ezin izan zuten garaipena lortu. Hala ere, beste partiduetako emaitzek mesede egin ostean lauko finaleko finalerdia etxean jokatzeko aukera izango dute. Partidua maiatzaren 10ean izango da, 18:00etan hasita; saskibaloi sailetik dei egin diete herritarrei animatzera hurbiltzeko. Bergararrek partidua irabazten badute Mondragon Unibertsitatearen eta Goierri Aldapa –arrasatearrek Urretxun jokatuko dute, egun eta ordu berean– taldeen arteko irabazlearen aurka jokatuko dute bigarren nazional mailara igo ahal izateko finala.
BKEko senior mailako taldeak partidu erabakigarria jokatuko du bigarren nazional mailara igotzeko
BKEko saskibaloi saileko senior mailako taldeak igoera faseko finalerdia jokatuko du zapatuan, hilak 10, Labegaraietan (18:00); CD Internacional taldearen aurka jokatuko dute. Hurrengo egunean, eta leku berean, kadete mailako Gipuzkoako txapeldun izateko partiduak jokatuko dira. Bestalde, senior mailako mutilen bi taldeek joan den asteburuan amaitu zuten denboraldia, aldez aurretik zehaztutako helburuak beteta.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
