Maiatzaren 8ko ekintzaren ostean, hilaren 15ean ahobizi eta belarriprest txapak banatuko dituzte. Maiatzaren 5etik 9ra eta hilaren 12tik 14ra honako modu hauetan lortu ahalko dute bergararrek euren txapa: Jardunek Oxirondo azokan duen egoitzan, 09:00etatik 13:00etara eta 15:00etatik 18:00etara. Horrez gain, San Martin plazan ere postua jarriko dute, Sabadell bankuko sukurtsalaren pareko lokalean; bertan 18:00etatik 20:00etara egongo dira.
Azkenik, maiatzaren 15ean Euskaraldiari hasiera emateko ekitaldia antolatu dute. Hainbat ekintza izango dira: ahobizi eta belarriprest-en jaitsiera, erraldoiak, txapa janzte bateratua, Euskaraldiaren abestia eta koreografia, musika, umorea...
