Apirilaren 30ean, jaiekin hasi ostean (19:00), patata tortila lehiaketa (19:15) eta DJ Arno (22:00) izango dituzte; 00:00etatik aurrera DJ Anderrekin jarraituko du festak Poli tabernan.
Hala ere, maiatzaren 1erako egun osoko egitaraua prestatu dute: diana Bergarako txistulariekin (10:00); meza, salda eta txorizoa (11:00); gaztetxoendako marrazki topaketa (11:30); Ane, Amaia eta Aiora trikitilariekin girotutako poteoa kiroldegian (13:00); auzo-bazkaria (14:30); auzo-krosa (16:30); eta ume zein gaztetxoendako jolasak –jolasen ostean, txokolatea, buruhandiak eta erraldoiak egongo dira–.
