Esandako moduan, asteburu honetarako antolatu dituzte ekitaldi gehienak. Gaur 18:00ak bueltan elkartuko dira plaza garbitu ostean makala edo txopoa igotzeko eta ondoren, 20:00etan, Alkartasuna elkartean bazkalduko dute.
Bihar, apirilak 26, bertso bazkari girotua izango dute, Ane Zuazubiskar, Maider Arregi eta Angel Mari Peñagarikano bertsolariekin eta Manu Iztueta soinu-jolearekin. Bazkalostean, 19:00etan, Nebar taldeak kontzertu akustikoa emango du.
Eta domekan, hilak 27, meza (10:30), pilota partiduak (11:00) eta Moises Azpiazu dantza eskolako gaztetxoen emanaldia izango dira; ondoren pintxoak eta salda izango dira elkartean.
Apirilaren 28an, San Prudentzio Eguna, meza eta afaria izango dituzte.
Azkenik, maiatzaren 3an, kontzertuak izango dira protagonista: Larru Beltzak, Garratz eta Hamarratz taldeek joko dute; ondoren, "pintxada kolektiboa" egongo da.