Euskal jolas eta jokoak ezagutzeko, horien gizarte eta kultur esanahiaz jabetu, egoki egiten saiatu, emozioak eta sentipenak ulertu eta adierazteko asmoz, eskualde mailako egitasmoa burutuko dute, bihar, Bergaran. "Euskal Giroan Jolasten ekimena saiakera bat da ikaslearen ingurune soziokulturalean abiatuz, bizi duen ingurune hori modu aberatsean ulertu, interpretatu eta integratzeko".
4 gunetan banatuta
Aranzadiko patioan hasiko dute eguna, 09:30ean, eta lau gunetan banatuko dira –Aranzadi, Munibe, Pilotalekua eta kanpoko eremua, eta, Oxirondo plaza–. Gune bakoitzean, berriz, hamar talde izango dira.
Egitaraua
9:30 hasiera ekitaldia Aranzadiko patioan:
Taldeen desfilea
Zazpi jauzi dantza
Bertsoak: Arizmendiko Almeneko eta Gazteluondoko ikasleek
10:00 gune bakoitzaren hasiera
11:45-12:05 hamarretakoa
12:05-13:55 guneen jarraipena
14:00 Amaiera ekitaldia Aranzadiko patioan:
Borobila dantza
Poemak: Aranzadi eta Txantxiku ikastolak
Helburu askoko egitasmoa
Debagoieneko ikastolen arteko harremana sendotzea, Debagoieneko adin berdineko ikasleek beraien artean jolasteko gai izatea, Euskal kulturako, bereziki bailako ohitura, joko eta jolasak ezagutu eta hauekin gozatzea, Gelan landutakoa plazaratzea, Ikasleen autonomia lantzea, Txapelketa ezberdinetan parte hartze aktiboa izatea, Gelakideen arteko harremanak hobetzea sortu daitezkeen arazoei modu aktiboan aurre eginez… bezalako helburuak batzen ditu egitasmoak.
