Bergarako gaztetxoek Realaren Nazioarteko Txapelketan jokatuko dute

Xabier Urtzelai 2025ko api. 2a, 08:47

Realak antolatzen duen torneoa jokatuko duen Bergarako 13 urtez azpiko taldea.

Apirilaren 19etik 21era antolatuko du Realak Nazioarteko Txapelketa eta 13 eta 17 urtez azpiko kategoriei zuzendutako torneoa izango da. Bada, Real Madrid, Celta de Vigo, CA Osasuna, RCD Espanyol edo Manchester United moduko taldeekin batera Gipuzkoako bi talde izago dira lehian, eta horietako bat da Bergara.

Pare bat aste geratzen dira Realak Zubietan antolatzen duen torneo entzutetsuenetako bat hasteko, Nazioarteko Txapelketak 39 urte beteko ditu eta. Esan moduan, klub txuri-urdinak talde handietako harrobiko ordezkariak gonbidatu ditu, tartean Real Madrid, Celta de Vigo, CA Osasuna, RCD Espanyol edo Manchester United. Eta, eurekin batera Realak ere ordezkaritza izango du, noski. Bada, lurraldeko beste bi talde ere izango dira txapelketan, Bergara eta Martutene. Torneoan egoteko eskubidea ez dute gonbidapen moduan jaso, Bergarak eta Martutenek izerdia bota behar izan dute berdegunean, aurreko faseko azken jardunaldian lortu zuten txartela, urtarriletik hasi eta orain dela egun batzuk Zubietan amaitu zuten fasean nabarmenduta.

Hiru partidu lehen bi egunetan

Txapelketako taldeak bi multzotan banatu dituzte eta Bergarakoak Real Madril, Manchester United, eta Real Sociedad taldeekin batera daude multzoan. Hala, hilaren 19an 10:00etan jokatuko dute lehenengo partidua, Realaren kontra. Eta arratsaldean (16:00) Real Madril izango dute zain. Hilaren 20an, domeka, 16:00etan Manchesterrekoak izango dituzte zain, eta astelehenerako, hilak 21, torneoko sailkapeneko postuak zeintzuk diren erabakitzeko norgehiagokak geratuko dira, eta finala (11:30), noski.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak