Euskaraldirako bi hilabete baino gutxiago falta dira, eta Bergarako Euskaraldiko lantaldeak bi arlo ditu eskuartean: bata, zabalkundea, izen-ematea eta txapa-banaketa; bestea, hasiera eta amaiera ekitaldiak nahiz komunikazioa.
Bi alor horiek lantzeko martxoaren 31n hasita, astelehenetan, herritarrei zuzendutako bilera irekiak egingo dituzte 19:00etan Irizar jauregian.
Bileretan parte hartzeko interesa dutenei, jakinarazteko eskatu diete Jardun Euskara Elkarteak 943 76 36 61 edo 605 71 24 69 telefonoetara deituta, edo bergaraeuskaraldia@gmail.com helbide elektronikora idatzita.
