Martxoaren 20an, eguenean, haize bolada bortitzek Agorrosin igerilekuko estalpean eragindako kalteen ondorioz kirol zentroa eta inguruko espazioak aldi baterako itxi behar izan zituen Udalak, segurtasuna bermatzeko helburuarekin. Atzo, egubakoitza, espezializatutako enpresa batek teilatuan eroritako zatiak kendu zituen, solte zeudenak finkatu, eta estalpeko egitura egonkortu zuen. Egindako lanen ondoren, segurtasuna bermatuta dagoela baieztatu ahal izan du Udalak. Ondorioz, gaur, zapatua, 16:00etan ateak ireki dituzte Agorrosingo kirol gunean. "Instalazio guztiak egongo dira erabilgarri igerilekua izan ezik. Bestalde, astelehenetik aurrera lehorreko ikastaroak normaltasunez emango dira. Igerilekuari dagokionez, itxita jarraituko du bere sabaiaren egoera teknikoak behar bezala aztertu arte", adierazi dute Udaletik.
Agorrosingo kirol gunea zabalik dago
Joan den egueneko haize bolada zakarrek kalteak eragin zituen Agorrosingo kirol guneko sapaian. Ondorioz, segurtasun neurriengatik Udalak kiroldegia eta inguruak ixtea erabaki zuen. Bada, gaur, zapatua, 16:00etan ireki dituzte ateak, baina igerilekua ez dago erabilgarri oraindik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
