Abendutik otsailera bitartean egin du Bergarako Elikadura Mahaiak Ekoizpen duina, kontsumo herrikoia heziketa programa, herriko ikastetxeekin. 400 ikaslek baino gehiagok hartu dute parte, hamazazpi saiotan. Oxirondo azoka eta Ziarreta baserria bisitatu dituzte; baita ikas bidaiako otarreen ekimenean parte hartu ere. Bertako produktuz osatutako 442 otarre eta 332 gazta laurden saldu zituzten; hala, Euskal Herriko ekoizle txikiengan eragin zuzena izan dute.
Elikadura Mahaiak balorazio positiboa egin du: "Metodologia praktikoarekin lan egiteak asko erraztu du haurrei eta gazteei zuzendutako heziketa jarduerak garatzea". Landutako edukiak Biolur elkartearen Ekoizpen duina, kontsumo herrikoia material didaktikoan oinarritu dira eta bailarako zortzi ekoizle izan dira hezitzaileak. Horrelak ekimenak bultzatzen jarraitzeko konpromisoa erakutsi dute.
