Udalak eta Jardun euskara elkarteak udal liburutegiaren laguntzarekin antolatu dituzten neguko literatura solasaldien barruan, hilaren 19an –Irizar jauregian, 18:30ean– Karmele Jaioren Maitasun kapitala liburua izango da protagonista, Mikel Antzak dinamizatuta. Solasaldian parte hartzeko izena ematea eskatu dute, udal liburutegian (943 77 91 62) edo Jardunen ( 943 76 36 61 edo 605 71 24 69). Hurrengo zita martxoaren 19an izango dute, Ernest Hemingway-ren Fiesta liburuaren gainean aritzeko.
Kartzelako Irakurketa Taldea
Bestalde, kartzela zaharrean elkartu ohi den Kartzelako Irakurketa Taldeak (KIT) proposamen berria aurkeztu du otsailaren 20rako (18:30). Uxue Alberdiren Hetero lana oinarri hartuta, solasaldi kolektiboa izango dute, idazlearekin. Izena emateko: kolaxirratsaioa@gmail.com.
