Bisita gidatuarekin hobeto gozatzeko edukiera mugatuko ekitaldiak badira ere, zapatu eguerdian koadrila polita batu zen Bergarako Sagarpe elkartean, Miguel Okina margolariak bertan dituen margolanez gozatzeko helburuaz. Lehenago ere San Miguel-pe elkartean eta Gure Ametsan egin dituzte bisita gidatuak, eta zapatuan Sagarpeko margolanak aztertu ondoren otsailaren 22rako badute beste hitzordu bat, Umore Ona elkartera joango dira (11:00) hango artelanak ezagutzeko. Edukiera mugatuko bisita izango da hau ere. Izena emateko: 613 44 82 17.
