Bergarako Adineko Pertsonen III. Kongresua egingo dute udaletxeko osoko bilkuren aretoan otsailaren 13an, 17:30etik 19:00etara bitartean. Landuko diren gaien artean daude bakardadea, etxebizitza, informazioa helarazteko buletin baten beharra eta ekintza bateratuak: Belaunaldi Arteko Nazioarteko Eguna apirilaren 29an eta Adineko Pertsonen Nazioarteko Eguna urriaren 1ean. Gainera, zenbait puntu taldeetan bilduta jorratuko dituzte. Gai horiek lantzeaz gain, orain arte egindako lana aurkeztuko dute.
Hala, Bergarako Udalak nabarmendu du Adineko Pertsonen Kontseiluak bere ibilbidean zehar hainbat ekimen sustatu dituela herrian. Era berean, Udalak parte hartzeko gonbidapena egin du: "Beste belaunaldi batzuek egin duten bezala, garrantzitsua da adineko pertsonek ere euren topaleku bat martxan jartzea; izan ere, bizitza osoan jasotako esperientziak bergarar guztiontzako oso aberasgarriak izan daitezke".
