Estilo ezberdinak erabilita egindako margolanak daude ikusgai Bergarako Aroztegi aretoan, denak Beart elkarteko kideek egindakoak. Gertuko zein urrutiagoko paisaiak ikus daitezke, adibidez, koadro batzuetan, tamainoz ere handiagoak eta txikiagoak daude eta collage-a ere bai, adibidez.
Domekara arte egongo da zabalik erakusketa hau eta Aroztegin ikusgai egongo diren hurrengo biak ere Bergarako taldeenak dira: urtarrilaren 10ean egurra lantzen dutenek jarriko dituzte euren lanak eta urtarrilaren 24an, buztingileek.