Bergaran sailkatzen diren bikoteak herrialdetako kanporaketara pasako dira. Antolatzaileek aurreratu dutenez, Bergarako sailkatuen kopurua parte-hartze kopuruaren araberakoa izango da. Hala, herrialdetako kanporaketa irabazten dutenak Euskal Herriko finala jokatuko dute apirilaren 5ean Zigoitiako Gopegin (Araba).
Bergarako sariak
Urtarrilaren 10ean Artatse elkartean jokatuko duten kanporaketan lau sari banatuko dituzte. Lehen sailkatzen den bikoteak, batutakoaren %50 irabaziko du; bigarrenak, berriz, batutakoaren %30. Hirugarrenak, aldiz, bi txuleta eta sorpresa jasoko ditu, eta laugarrenak, untxia eta sorpresa.
