Bergara, Mondra, UDA, Aloña Mendi, Soraluze, Lengokoak eta San Martzial klubek hartuko dute Txapelketan. Horietatik, Bergarako, Mondrako eta UDAko bina talde arituko dira lehian; gainerako klubetatik talde bana. Horiek bosna taldetako bi multzotan banatu dituzte eta 10:00etatik aurrera jokatuko dituzte partidak Agorrosingo eta Ipintzako berdeguneetan.
Norgehiagokei dagokienez, finalerdiak eta finala 20 minutukoak izango badira ere, aurreko partida guztiak 15 minutukoak izango dira, eta lehia batetik bestera bost minutuko atsedena izango dute gazteek. Finala nahiz hiru eta laugarren postuak, 12:30ean jokatuko dira.
