"Joan den asteburuan Elxen jokatutako bi partiduetatik bat irabazi egin genuen, eta horrek esan nahi du asteburuan ditugun hiru partiduetatik bi irabazten baditugu mailari eutsiko diogula. Horrela ez bada jaitsierako promozioan sartuko ginateke", adierazi du Burdinolako ordezkari Agustin Ojangurenek. Hala, bergararrak izango dira zapatu goizean jardunaldiko lehenengo partidua jokatuko dutenak (10:00), arratsaldean izango dute bestea (18:30), eta jardunaldiko hirugarren partidua domeka eguerdian izango dute (12:00). "Guztira 12 talde gaude bi multzotan banatuta. Multzo bakoitzeko hiru onenak (6) liga irabazteko borrokatuko dira, eta beste 6 taldeen helburua kategoriari eustea izango da. Gu hor gaude, jaitsiera fasera ez joatea da helburu nagusia".
Senior mailako jokalariak izango dira asteburuan Labegaraietan, baina Burdinolakoek oso talde gaztea dute: "Kategoria horretara iristerakoan beteranoenek beste konpromiso batzuk izaten dituzte, kanpora joaten dira ikastera... Hala, senior mailako taldea bada ere oso jokalari gazteak ditugu eta meritu galanta dute. Ea asteburu ona egiten dugun.
Asteburuko partiduen zerrenda:
Larunbata, abenduak 7
- 10:00 CHC Las Rozas vs Burdinola (https://youtube.com/live/nfvWkDlfTQY?feature=share)
- 11:15 Tres Cantos PC vs Titanides Elche (https://youtube.com/live/91N3BKSg-Ko?feature=share)
- 12:30 Rolling Lemons Valladolid vs Gadex (https://youtube.com/live/OeaL0c866Nw?feature=share)
- 16:00 Titanides Elche vs CHC Las Rozas (https://youtube.com/live/GSMcHmy9o94?feature=share)
- 17:15 Tres Cantos PC vs Rolling Lemons Valladolid (https://youtube.com/live/AOsjoyJav70?feature=share)
- 18:30 Gadex vs Burdinola (https://youtube.com/live/jhSVp7dLox0?feature=share)
Igandea, abenduak 8
- 09:30 CHC Las Rozas vs Gadex (https://youtube.com/live/l4U-kwma4vY?feature=share)
- 10:45 Titanides Elche vs Rolling Lemons Valladolid (https://youtube.com/live/_CKk2KhL54E?feature=share)
- 12:00 Burdinola vs Tres Cantos PC (https://youtube.com/live/W1gD5eVPFWY?feature=share)
