Gabonetako kontzertu berezia hilaren 21ean izango da 20:30ean, San Pedro elizan eta bihar arratsaldetik aurrera erosi ahal izango dira sarrerak. 18:00etatik 20:00etara bitartean Seminarixoko txarteldegian jarriko dituzte salgai. Internet bidez ere erosi daitezke 19:00etatik aurrera. Sarreren prezioa 8 eurokoa da eta pertsona bakoitzak gehienez ere sei sarrera erosi ahal izango ditu.
Aurreratu dutenez, kontzertu egunean sarrerak erosteko aukera egongo da San Pedro Elizan bertan 19:00etatik aurrera. Dena den, aldez aurretik sarrera guztiak saltzen badira, kontzertu egunean ez da leihatilarik irekiko.
