12:00etan, San Martin plazan, emakume helduekiko indarkeriaren kontrako elkarretaratzea egingo dute, Duintasuna elkarteak antolatuta. 18:30ean, berriz, Isiltasuna apurtu! antolakuntza feminista danon arduria lelopean manifestazioa egingo dute, herriko plazan hasita, Martxanterek eta Oñeztuakek deituta. Era berean, asteburuko zinema emanaldian Soy Nevenka filma emango dute, hilaren 24an eta 25ean, 19:30ean, Seminarixoan.
Azaroaren 27rako, Indarkeria matxista: identifikatzen al dugu gizonok? tailerra antolatu du Udalak. UNEDen izango da, 17:30etik 19:30era. Izena emateko: berdintasuna@bergara.eus; telefonoa: 943 77 91 45; eta Whatsapp edo Telegram: 688 811 760.
