Aranzadi Ikastolako, Ipintzako, Mariaren Lagundiko eta San Martin Herri Eskolako ikasle eta irakasleak elkartu ziren udaletxean, Gorka Artola alkatearekin, eta denek sinatu zuten diagnostiko partekatua egiteko konpromisoa.
Besteak beste, azaldu zuten aurtengo ikasturteko erronka zein izango den; hau da, adierazi zuten kontsumitzen dituzten elikagaiak nondik datozen eta non erosten dituzten aztertuko dutela.
Hala, Bergarako Udalak Bergara 2030. Egin Herrixa plan estrategikoa dauka martxan, eta, Udalak adierazi dutenez, planaren helburua da 2030era begira plangintza jasangarri bat adostea: "Plangintza hau nazioarte mailan Agenda 203ekin bat etorri da, bertan onartutako garapen iraunkorreko helburuarekin".
