Bergarako Udalak Barrenkalea kalea berriro urbanizatzeko lanen lizitazioa lehiaketara atera du. 1.600.570,26 euroko exekuzio-aurrekontua du –BEZa barne–, eta obrak egiteko epea lanak hasi eta hamar hilabetera amaituko da. Interesatuta dauden enpresek azaroaren 18ra arte aurkeztu ditzakete euren proposamenak.
Pleguan jasotzen denez eta BEB Arkitektoak SLren proiektuak jasotzen duenez, Bergarako er- digunean egingo diren lan horietan jabari eta erabilera publikoko lurzoruak berrituko dira. Lanak hiru zatitan egitea aurreikusten da: lehenengo zatiak Barrenkalea hartzen du, Irizar kalearekin eta Arrese kantoiarekin bat egiten duenetik Masterrekaraino; bigarrenak, San Martin plazatik Irizarrekin bat egiten duen tokira; eta hirugarrenak Egino Mallea eraikinaren plaza eta Irizar jauregiko lorategiekin duen lotura hartzen ditu.
