Udaleko Langileen Batzarrak jakinarazi du negoziazio mahaia adostu dutela Udal Gobernuarekin: "Bi aldeek negoziazio markoan elkarrizketa zintzo eta eraginkorra bermatzeko elementuak zehaztu eta adosteko egindako proposamena onartu dugu".
Batzarrak dio "mobilizazioei esker" lortu dutela "jarrera aldaketa egotea Udal Gobernuan" eta "irailaren 26an eratu zen negoziazio mahaia" eratzea –21ean elkartuko dira–. Konponbidea 5 puntu negoziazio mahairako edukiak aurkeztu eta onartu direla berretsi du, eta argitu euren aldarrikapenak "oraindik lortu ez" dituztela badakitela, baina "aukera bat" zabaldu dela baloratzen dutela. Gaineratu dute urrian mobilizazioekin jarraituko dutela.
Bost eskaera dira langileen batzarrak egiten dituenak: negoziazio mahai gardena, Udaleko lanpostuen balorazio orokorra; lantaldea gaztetzeko plangintza, lan hitzarmena negoziatzea eta kontratazio politikak aldatzea, hain zuzen ere.
