78 liburu aurkezpen, zortzi kontzertu emanaldi, zortzi gau-antzerki, bost hitzaldi eta magia ikuskizun bat antolatu ditu martxan hasi geroztik Angiolillo liburutegiak, eta ehungarrenera bidean da, Wide Boards eta Stupid Fucking People taldeen kontzertuak izango baitira eguenean, hilaren 3an. "Asturiasetik, Avileseko itsasadarretik datorren musika taldea da Wide Boards, eta skate rock-a da bere estilo musikala; zure skatea hartu eta barruan daramazun amorru guztia bota araziko dizun banda da", adierazi dute antolatzaileek.
Stupid Fucking People taldea, berriz, Donostia eta Gasteiz artean sortutako talde "nahiko berri bat" da, baina "eskarmentu handiko musika taldeetako" musikariak ditu: "Estiloari dagokionez, power punk-a da".
