Etxean debutatu zuen atzo arratsaldean Soraluce BKEk, Labegaraietako kantxan. Partidaren zati handi batean aurretik joan ziren markagailuan baina, minutu baten faltan, "bisitariak partidutik kanpo zeudela, behar baino gol gehiago jaso eta zapore txarreko berdinketarekin konformatu behar izan genuen", adierazi du Joseba Elortza entrenatzaileak.
Aurten igoera fasea aldaketekin etorriko da eta mahoneroen helburua lehen bosten artean sailkatzea izango da, "play-offa jokatu ahal izateko". Datorren astean Urnietaren kantxan jokatuko dute.
Puntu bakarrarekin konformatu behar izan ziren, baita ere, Arrasateko Mugarri Ingoukoak, 22na egin baitzuten Donostiako Egia Kosko tabernaren aurka.
