Bart, Bergarako San Antonio kalean, Zumelaga jatetxe alboan aparkatuta zegoen auto batek su hartu zuen. Ertzaintzak 23:06an jaso zuen abisua eta segituan bertaratu ziren suhiltzaileekin batera. Jakinarazi dutenez, matxura baten eraginez piztu zen sugarra eta azkar zabaldu zen sua, autoa guztiz erre arte.
Lekukoek adierazi dutenez, autoa arrankatzen saiatzerakoan izan zen ezbeharra; "leherketatxo bat" gertatu zen eta su hartu zuen autoak. Alboan aparkatutako autoa "azkar kendu zuen jabeak", eta beraz, ez zen aparteko kalte handirik egon. Ertzaintzak zehaztu duenez, soilik inguruan aparkatuta zegoen beste auto bat kaltetu zen, kearen eraginez.
Bestalde, inguruko eraikinetan ez dela kalterik gertatu argitu dute, garbiketa lanak salbu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
