Astebururako egitarau zabala prestatu dute; Bergarako Aliritzi, Lemak eta Orhi taldeen emanaldiekin borobildu zuten egubakoitza, eta hamaika bikotek parte hartu duten marmitako lehiaketarekin hasi dute zapatua eta ondoren frontoian batu dira, 150 lagun inguru, marmitakoak elkarrekin bazkaltzeko. Fanfarre taldeak girotu du bazkalostea eta Laket erromeriarekin borobildu dute zapatua.
Mozorro eta marmitako irabazleak
Egubakoitzeko mozorro lehiaketan Arando Arbelaitz familiak eskuratu zuen talde onenaren saria Choni eta Canis mozorroarekin eta Gorka San Vicenterendako izan zen bakarkako saria eskiatzaile paperean sartuta.
Marmitako lehiaketan, berriz, hiru sari banatu dituzte: Oihanek, Iñigok, Beñatek eta Izeak osatutako laukoteak prestatutakoa izan da epaileentzako gozoena; Estik, Antonek eta Anek eskuratu dute bigarren saria eta Eiderrek eta Etorrek osatutako bikotearentzako izan da hirugarren saria.
