Prebentzio gisa hartu du Ertzaintzak autopistako zati hori ixteko erabakia. AP 1-eko 138,8 kilometroan gertatu da matxura eta, beraz, errepideko bi norantzak ez daude erabilgarri une honetan –ezin da autopistara sartu ez Eibar aldetik, ezta Arrasatetik ere–.
Kamioiaren suteak ez du zauriturik eragin eta Ertzaintzak adierazi du ahal bezain laster irekiko dutela errepidea, nahiz eta ezin duten ordurik zehaztu.