32 partaide horien artean, Bergarako jokalariez gain, Arrasate, Oñati, Aretxabaleta, Elgeta eta Bilboko jokalariak ere izan ziren: "Oso ondo joan zen txapelketa, oso giro onean. Zazpi kanporaketa jokatu ziren, sistema suitzarra oinarri hartuta; hala, txapelketak aurrera egin ahala puntuazio bera dutenen artean euren artean lehiatu ziren".
Honako hau izan zen sailkapena:
Nesken multzoan:
1. Haizea Mendizabal (Arrasate).
2. Ainhoa Herran (Bergara).
3. Miren Sanchez (Bergara).
Mutilen multzoan:
1.- Ekaitz Apraiz (Aretxabaleta).
2. Iker Lasa (Oñati).
3. Ekain Sanchez (Bergara).
Bergarako onena: Ekain Sanchez.
12 urtetik azpikoen artean onena: Unax Albisua (Bergara).
Amaitzeko, antolatzaileek adierazi dute lanean jarraituko dutela: "Xakea gazteenei hurbiltzeko lanean jarraituko dugu; hurrengo ikasturtea urrian hasiko da, eta dagoeneko hasita gaude prestaketa lanetan".
